Три земји од Африка, Нигер, Мали и Буркина Фасо, формираа безбедносен сојуз, пренесуваат светските агенции.
И во трите земји моментално на власт се воени хунти, а формирањето на сојузот подразбира меѓусебна помош и поддршка во случај на бунт или надворешна агресија.
„Секој напад на суверенитетот и територијалниот интегритет на една или повеќе договорни страни, ќе се смета за агресија на сите“, се наведува во Повелбата на пактот.
Во документот се наведува дека државите ќе си помагаат меѓусебно „поединечно или колективно, вклучително и со употреба на вооружени сили“.
Мали, Нигер и Буркина Фасо, заедно со Чад и Мавританија, беа дел од здружените сили Г5 на Сахел кои имаа поддршка од Франција. Но, Мали ја напушти организацијата по воениот удар во земјата, по што Франција беше принудена да ги повлече своите трупи од Буркина Фасо и Мали. Официјален Париз е во тензични односи и со хунтата во Нигер.
Видео: Firstpost