Опозициската ВМРО-ДПМНЕ и денеска продолжи со објавување на нови имиња од т.н. афера „Паразити“.
-Директорите на ЕСМ и МЕПСО Ковачевски и Муртезани се наградени со 1.700 евра плата месечно, а ЕСМ увезува и до 1/3 од дневните потреби за ЕВН.
Ковачевски и Муртeзани се паразитите во ЕСМ и МЕПСО.
ЕСМ на ден купува и над 3.000 мегават часа струја, по цени и над 250 евра, тоа се 750.000 евра на ден кои се одлеваат како девизи од државата, а тоа е така затоа што не работат РЕК Битола и РЕК Осломеј со полн капацитет. Но, тоа не е проблем Ковачевски да зема плата од 1.700 евра месечно, односно над 20.000 евра годишно.
Ковачевски за еден мандат ќе ја чини државата над 80.000 евра, придонесот негов не е ниту нула, туку е далеку под нула.
Исто е и со Орхан Муртезани, кој како државен паразит зема 80.000 евра плата за еден мандат на чело на МЕПСО.
На линија паразити во енергетскиот сектор од ЕСМ и МЕПСО Ковачевски и Муртезани е и Бајрам Реџепи, извршен директор на Национални енергетски ресурси (НЕР), кој месечно зема 1.300 евра плата, и за една година од оваа државна компанија наплаќа 15.000 евра.
Реџепи од НЕР, за еден мандат ќе ја чини државата 60.000 евра, а никој не знае кој е неговиот придонес.
Кој е придонесот на сите директори во енергетските претпријатија кои ја чинат државата стотици илјади евра, а Македонија дневно одлева по 750.000 евра за купување на струја за регулираниот пазар?
Што сработиле Ковачевски, Муртезани и Реџепи за Македонија? И за граѓаните од чии даноци земаат плата од десетици илјади евра годишно?
Затоа веднаш по смена на власта, ќе биде направена ревизија на платите. Не смее да има преплатени работни места и мора да има резултати.
Функционерите на власта, паразити кои немаат никаков допринос за државата се луѓето кои сакаат оваа власт да остане, за да можат да продолжат со луксузниот живот. А народот е тој кој бара промена за да има подобра иднина. Затоа потребни се предвремени парламентарни избори, рече на прес-конференција, Ивица Томовски, член на Централниот комитет на ВМРО-ДПМНЕ.
ПОВРЗАНИ ВЕСТИ
Љушев и Пројкоски не се назначени од Владата, велат од Македонски Телеком за аферата „Паразити“
Фото/видео: ВМРО-ДПМНЕ