Центарот за јавно здравје во Куманово во последниве 24 часа регистрира 24 новозаболени од Ковид-19, соопштија денеска надлежните од здравствената установа.
Од нив, 15 се во Куманово, а девет во Липково.
„Во Куманово после месец дена имаме поголем број на заболени. Новорегистрираните од Липково, пак потекнуваат од веќе познати кластери“, изјави директорот на установата, д-р Ариф Љатифи.
Посочи дека во Куманово меѓу 15-те новозаболени, има три медицински сестри и едно лице од техничка служба од болницата, четворица пазарни инспектори, еден новозаболен е од Државен санитарен и здравствен инспекторат, а еден е лекар кој работи во Скопје.
Денеска се извршени 40-тина тестирања од кои 25 во Липково, останатите се по „Мој термин“ и по однос на епидемиолошки индикации. До крајот на денот се очекува да се тестираат уште десетина лица.
МИА/Фото: Општина Куманово
ПОВРЗАНИ ВЕСТИ
Центар се изедначи со Аеродром по бројот на заболени со корона вирусот, Чаир останува на врвот
Починаа двајца нови пациенти од корона вирусот, вкупната бројка до сега 171