За обнова на хрватските градови погодени од серијата земјотреси во декември и почетокот на овој месец досега се собрани околу 12 милијарди куни (околу 1,5 милијарда евра), изјави синоќа министерот за просторно планирање, градежништво и државен имот, Дарко Хорват.
Тој додаде дека владата за обнова на разурнатите градови се уште нема целосно обезбеден финансиски аранжман.
-Некои извори се знааат, за некои се уште се бориме. Собрани се околу 12 милијарди куни, и тоа преку Фондот за солидарност, преку заеми од Светска банка, преку буџетот, изјави Хорват за ХРТ.
Министерот додаде дека еден месец по катастрофата, што ја зафати Сисачко-Мославачката жупанија, Хрватска ќе има јасни правила на однесување за тоа како да ја организира обновата, пренесе „SeeBiz“.
МИА/Фото: Црвен крст на Македонија