Премиерот Зоран Заев денеска ќе се вакцинира во пунктот на салата „Борис Трајковски“ А1 арена.
Не е најавено која вакцина Заев ќе ја прими, имајќи предвид дека се на располагање кинеските на „Синофарм“, „Фајзер“ и „Спутник В“
Министерот за здравство Венко Филипче деновиве изјави дека министрите ќе бидат следните за вакцинирање како дел од критичната инфраструктура.
Инаку, првите денови од почетокот на масовната вакцинација, имаше слаб интерес од страна на граѓаните. Половина од нив кои добиле термини не се појавиле на вакциналните пунктови низ целата држава.
Проблеми имаше и со системот „Мој термин“, па граѓани со СМС пораки беа препраќани во други места за вакцина од оние каде што живеат.
Според последниот извештај на Институтот за јавно здравје (ИЈЗ), заклучно со 2 мај, со „Фајзер“ вакцинирани се вкупно 19.858 (15.933 со прва доза и 3.925 со втора доза), со „Спутник В“ се вакцинирани 34.177 (22.768 со прва доза и 11.409 со втора доза), со вакцината на „АстраЗенека“ вкупно се вакцинирани 21.949 лица и со “Синофарм“ се вакцинирани 953 лица.
ПОВРЗАНИ ВЕСТИ
Половина од граѓаните со термин, вчера не дошле да се вакцинираат
Фото: МЗ