Премиерот Зоран Заев преку својот Фејсбук-профил информира дека поранешниот директор на Управата за безбедност и контраразузнавање (УБК), Сашо Мијалков се пријавил во Обвинителството за гонење организиран криминал и корупција оти обезбеден е неговиот домашен притвор.
„После преземената акција објавувам конкретен резултат од кој имаме значаен успех: Се пријави Сашо Мијалков во Обвинителството за гонење организиран криминал и коорупција и обезбеден е неговиот домашен притвор!
Институциите ги презедоа сите редовни и вонредни мерки во врска со бегството на Сашо Мијалков. Координацијата помеѓу сите институции со сите активности што се презедоа во последниве 40 часа дадоа резултат. Правдата е обезбедена, ќе ја има и повеќе и почесто!“, напиша тој.
Заев посочува дека ќе следува и негова изјава за медиумите за што јавноста дополнително ќе биде информирана.
ПОВРЗАНИ ВЕСТИ
Мијалков се појави пред Обвинителството, тврди дека не избегал, туку бил во изолација
Фото: Влада