Во првото полугодие од 2021 година, Жито лукс АД Скопје оствари оперативна добивка во вредност од 7.8 милиони денари, што е значително подобрување за 41% или 2.3 милиони денари споредбено со истиот период минатата година (2020: 5.5 милиони денари), соопшти компанијата преку Македонската берза.
“Пониските финансиски трошоци наспроти минатата година, допринесоа за дополнителни 2 милиони денари, при што добивката пред одданочување се зголеми за 4.3 милиони денари и за првото полугодие од 2021 година изнесува 883 илјади денари.
Приходите од продажба се намалени за 6%, делумно како ефект од ковид-кризата, која започна минатата година (вонредно зголемена побарувачка на производи од сегментите брашно и леб со подолг рок, поради полицискиот час).
Приходите од продажба на домашен пазар бележат намалување за 6%, додека приходите од продажба на странски пазар се зголемени за 6% во споредба со првото полугодие минатата година.
Трошоците на произведени производи се намалени за 6%, и покрај значителното зголемување на трошокот за суровини и пакувачки материјали. Тоа е поради фокусот на компанијата кон рационализација на трошоците и зголемување на продуктивноста.
Ова доведе до подобрување на бруто профитната маржа за 0.6 процентни поени.
Трошоците за продажба и дистрибуција се намалени за 2%, додека административните трошоци бележат намалување од 13%.
Останатите оперативни приходи како и вредносното усогласување и останатите оперативни трошоци се на исто ниво како и минатата година“, велат од компанијата.
ПОВРЗАНИ ВЕСТИ
За надоместоци на Управниот и Надзорниот одбор на Жито лукс лани исплатени 13, 8 милиони денари
Жито лукс за три месеци оствари нето добивка од 5,5 милиони денари