Собранието на акционери на ЗК Пелагонија донесе одлука за одобрување на продажба на удели на Комбинатот во неколку фирми, извести Комбинатот преку Македонската берза.
Станува збор за продажба на единствениот удел кој преставува 100% од основната главнина на Трговското друштво за производство на електрична енергија Пелагонија Енерџи ДООЕЛ Логоварди Битола, за купопродажна цена која не може да биде пониска од 8,5 милиони евра.
Продажба на единствениот удел кој преставува 100% од основната главнина на Друштвото за трговија и услуги Комплекс Александрија ДООЕЛ Битола, за купопродажна цена која не може да биде пониска од 5,5 милиони евра.
Продажба на уделот кој преставува 21,87% од основната главнина на Друштвото за хотелиерство и туризам хотел Маврово ДОО Маврово, за купопродажна цена која не може да биде пониска од 200 илјади евра.
Продажба на уделот кој преставува 59% од основната главнина на Друштвото за дистрибуција, трговија и услуги МКМ Експрес ДОО Скопје, за купопродажна цена која не може да биде пониска од 800 илјади евра.