Од свои извори, еМагазин дознава дека службеното возило „Ренџ ровер дискавери спорт“ на Министерството за внатрешни работи, кое беше злоупотребено за патување во Грција е донација за министерството од Интернационалната организација за миграција (ИОМ).
еМагазин го контактираше и МВР за потврда или демант на оваа информација, но по повеќе од 24 часа не добивме никаков одговор, иако ни беше ветен истиот.
Министерот за внатрешни работи, Оливер Спасовски поради овој скандал пред неколку дена најави дека ќе побара од Владата разрешување на директорот Бирото за јавна безбедност, Лазо Велковски.
Велковски според МВР го ангажирал возилото и член на неговото обезбедување за патување на неговата ќерка во Грција.
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.