Управата за јавни приходи (УЈП) ја објави листата на должници бр.11/2020 за долгови доспеани до 31.07.2020 и неплатени до 31.10.2020 година по основ на ДДВ, данок на добивка, персонален данок на доход, придонеси од задолжително социјално осигурување, акцизи и царини, за кои вкупниот износ на долгот е повисок од 120.000 денари за физичките лица и самостојни вршители на дејност и повисок од 300.000 денари за правните лица.
На листата може да се забележат имиња на познати бизнисмени, спортски клубови и фирми.
Така, кумновскиот бизнисмен Бајруш Сејдији должи 112 милиони денари, ФК Вардар должи 38 милиони денари, струшкиот бизнисмен Георги Миладинов должи 8 милиони денари, БМЈ Медиа груп должи 6,5 милиони денари…
Забележително е дека на листата должници се најде и Специјалното јавно обвинителство (СЈО), кое должи 4,4 милиони денари.
ПОВРЗАНИ ВЕСТИ
Топ пет најголеми должници кон УЈП: ТЕ-ТО со 11,4 милиони евра убедливо на врвот
Нова листа должници на УЈП: 4.683 граѓани и фирми должат 161 милиони евра