Македонската амбасадорка во Бугарија, Агнеза Руси Поповска, вчера била повикана во бугарското Министерство за надворешни работи (МНР) за да ѝ се изрази остар протест поради изјавата на вицепремиерот и министер за транспорт Александар Николоски, во која тој рече дека секогаш за време на изборите во Бугарија се злоупотребува темата Македонија.
Тој порача дека во Бугарија прво треба да си ги средат работите по дома, да изберат политичка влада и дека потоа би седнале на маса и би разговарале.
ПОВРЗАНИ ВЕСТИ
Николоски, кометирајќи ја претходната реакција на бугарското МНР рече и дека нема намера да одговара на луѓе што ловат политички поени, а кои во моментов се политички маргиналци во Бугарија, зашто се претставници на влада која нема легитимитет од никого.
„За жал, беше констатирано дека системските провокации и одбивањето да се исполнат обврските на официјални претставници на соседната земја дополнително ја оддалечуваат од почетокот на преговорите со Европската Унија.
Официјалниот и секој следен владин кабинет ќе ја продолжи природната линија на бугарската надворешна политика кон Република Северна Македонија, насочена кон гарантирање на човековите права и почитување на принципите на добрососедство“, велат во новата реакција од бугарското МНР.
Фото: Фејсбук/бугарско МНР