Од Владата денеска споделија детали за најавената средба на унгарскиот премиер Виктор Орбан на Македонија.
ПОВРЗАНИ ВЕСТИ
Унгарскиот премиер Орбан доаѓа во посета на Македонија
Тој со делегација од унгарската Влада во земјава ќе биде два дена, на 26 и 27. септември.
Премиерот Христијан Мицкоски, ќе оствари официјална тет а тет средба со Орбан во премиерската вила Охрид на 27. септември.
Дополнително, во рамки на посетата, како што информираат од Владата, ќе се остварат и низа билатерални средби на македонските министри со ресорните колеги од унгарската делегација, а на 27. септември ќе се одржи заедничка меѓувладина седница во хотелот Инекс Олгица во Охрид.
По завршувањето на меѓувладината седница на истата локација се очекува да се одржи и прес-конференција за медиуми на Орбан и Мицкоски.
На маргините на дводневната посета предвидена е прошетка во градот Охрид, посета на црквата Богородица Перивлепта, Античкиот театар и манастирскиот комплекс Свети Наум, а свежо цвеќе премиерите на двете земји ќе положат на споменикот на Свети Кирил и Методиј во Охрид.
Фото: Влада