Мода АД Свети Николе е една од ретките компании во Македонија која изминативе години редовно ги објавува примањата и надоместоците на членовите на Одборот на директори (ОД).
Според податоци од годишниот извештај на Друштвото, објавен преку Македонската берза, извршниот директор Ангел Димитров лани имал годишна нето плата од 2.096.801 денари, надоместок за членство во ОД од 184.485 денари и регрес за годишен одмор од 8.199 денари.
Неизвршниот директор Манфред Михалски имал нето плата од 583.417 денари, надоместок за членство во ОД од 245.980 денари и регрес за годишен одмор од 16.398 денари.
Неизвршниот директор Мара Саздовска имала нето плата од 262.404 денари и надоместок за членство во ОД од 274.485 денари.
Независниот член Владимир Стојанов имал нето плата од 858.323 денари, надоместок за членство во ОД од 120.000 денари и регрес за годишен одмор од 16.398 денари.
ПОВРЗАНИ ВЕСТИ
„Мода“ од Свети Николе лани со добивка