Во основните училишта годинава се запишани 500 првачиња помалку од лани, што според министерката за образование и наука, Весна Јаневска, е поразително.
„Државата не може да има иднина, ако продолжи овој тренд. Ќе се потрудиме да ги промениме состојбите, да ги задржиме нашите граѓани да останат тука и да бидат задоволни од условите за образование, за работа и живеење“, изјави Јаневска.
Таа потенцираше дека мора да се работи на сите полиња, за да се стопира процесот на иселување на младите, преку посилно чувство на припадност во општеството и мотив да останат и понатаму да помогнат во развојот на државата.
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.