еМагазин
Image default
Македонија ТОП СТОРИИ

(Видео) Одложен стартот на судењето за Максим Димитриевски поради нови докази

Судењето за градоначалникот на Куманово и претседателски кандидат на ЗНАМ, Максим Димитриевски кое требаше да започне денеска е одложено за 30. април, бидејќи кумановското Јавно обвинителство изменило дел од обвинителниот предлог и доставило нови докази, а неговата одбрана побара време за разгледување на истите.

Димитриевски е обвинет за злоупотреба на службена положба и овластување.

Според обвинението тој како градоначалник на Куманово не ја извршувал својата службена должност и не го потпишал решението за градба и пресметката за надомест за уредување на градежно земјиште, и со тоа ги оштетил фирмите „УПМ груп“ и „Хромак-Емил“ од Куманово.

Димитриевски и денеска изјави дека обвинението е монтирано со цел да му се наруши угледот и да се дискредитира пред изборите.

„Нити сум спречил, ниту имам намера да спречам спротивно на закон некој да гради згради, висококатници, но кога се работи за интерес на училишта или здравствен објект, тоа е јавен интерес и јас сум должен да го штитам. Оваа фарса е во контекст на изборите.

Во континуитет се случуваат вакви нарачки од носители на високи политички функции на власта, или во конкретниот случај луѓе од високи позиции на СДСМ кои ги злоупотребуваат институциите на системот“, рече меѓудругото Димитриевски денеска пред Основниот суд Куманово.

ПОВРЗАНИ ВЕСТИ

Пред избори обвинение за Максим Димитриевски, тој обвини дека власта мотира случај против него

Каков имот пријавил Максим Димитриевски, кандидат за претседател на државата на ЗНАМ

Кој е Максим Димитриевски, кандидат за претседател на Македонија на ЗНАМ

Фото/видео: Фејсбук/Димитриевски

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

СЗО бара од производителите да донираат 50% од своите вакцини во Ковакс

Редакција

Владата ги замрзна цените на лимонот, портокалите, мандарините, грејпфрутот и клементината

Редакција

Приведен е напаѓачот на лекарот на Токсикологија, кој заврши на Ургентен поради повредите

Редакција