еМагазин
Image default
ЖИВОТ ТОП СТОРИИ

Внимавајте на змии периодов, може да се појават секаде

Повеќе повици за многу итни случаи, меѓу нив и опасност од присуство на змии во објекти во населени места, се евидентирани изминатите 24 часа на 112 во Центарот за управување со кризи (ЦУК).

Во 10:44 часот вчера, имало пријава за видени змии во дворот на ЈЗУ „Црниче“. Се барало итна реакција од соодветната институција за отстранување на проблемот. Во 17.02 часот имало уште една пријава за змија, забележана во дворот на Центарот за обука при Факултетот за безбедност – Скопје.

„Граѓаните да внимаваат на појавата на змии во овој потопол период од годината. Завчера имаше пријави за појава на змии во објекти во општините Гази Баба и Прилеп. За вакви случаи на појава на змии во објекти во населени места, бидејќи не постојат специјализирани институции за нивно отстранување, има физички лица, а и граѓански асоцијации за заштита на животните, што можат да им помогнат на граѓаните, во рамки на нивните можности.

Сѐ со цел за безбедно отстранување на змии, други влекачи и слично, секако, по непосреден контакт и договор со нив,“ потсетуваат од ЦУК.

Од ЦУК апелираат до граѓаните при прошетките во природа да бидат внимателни, бидејќи може да наидат на змии.

„Општо е познато дека змијата најчесто бега при средба со луѓе и ако не е загорозена и уплашена – не напаѓа. Но, може да се случи, на пример, ако случајно се нагази, наседне или кога се поминува брзо веднаш до неа, змијата да го касне човекот.

Покрај тоа што е препорачливо да се носат соодветни обувки, облека и стапчиња за одење во природа, корисно е граѓаните да се потсетат и да се информираат за пружање прва самопомош, поточно за начинот како се реагира, како да се имобилизира и да се третира каснато место од змија.

Се разбира, секако е препорачливо да се јават на 112 во ЦУК, без разлика дали си самопомогнале или не,“ велат од ЦУК.

Фото: Унсплеш

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Чаир руши рекорди, 352 активни случаи на Ковид-19, Гази Баба 128, Аеродром 127

Редакција

Кој е американскиот сентор Берни Сандерс, чии мемиња ги „преплавија“ социјалните мрежи низ светот

Редакција

Бројни пребарувања на огласите за работа во странство

Редакција