Поради одржување улична трка, денеска во периодот од 8:30 до 10:30 часот ќе биде воведен посебен режим на сообраќај на неколку булевари и улици во Скопје.
Од СВР Скопје информираа дека мерки за посебен режим на сообраќај ќе бидат преземени по сообраќајниците по кои ќе се движат натпреварувачите, а кои имаат стартна позиција на булевар Илинден кај Фонтана.
Учесниците во трката ќе се движат по булевар Илинден до крстосницата со улица Никола Парапунов, потоа до крстосницата со булевар Партизански одреди, десно (кон населба Ѓорче Петров) до мостот Влајко, каде што ќе вртат полукружно и назад по истиот коловоз до крстосницата со улица Љубљанска, каде вртат полукружно и по истиот коловоз се враќаат назад на улица Никола Парапунов и по булеварот Илинден до целта на локација кај Фонтана.
Од СВР апелираат граѓаните да ги почитуваат наредбите што ќе ги издаваат полициските службеници.