Весна Дамева, која лани во април беше разрешена од позицијата претседател на Судскиот совет, од денеска е вратена на истата функција.
Оваа разврска следи откако Управниот суд ја поништи Одлуката за нејзиното разрешување од страна на Советот, а по сопствено барање, оставка поднесе актуелниот претседател на Советот, Сашко Георгиев.
Откако беше разрешена, Дамева се жалеже пред Управниот суд, а поднесе и кривична пријава до Основно јавно обвинителство (ОЈО) Скопје за сторено продолжено кривично дело Злоупотреба на службената должност и овластување.
Од ОЈО Скопје досега нема никаква информација до каде е со пријавата.
Во пресудата на Управниот суд меѓудругото стои дека Судскиот совет без образложение утврдил недоверба за Дамева, по што незаконски ја разрешил од функцијата.
ПОВРЗАНИ ВЕСТИ
Каков имот пријавила Весна Дамева, претседателката на Судскиот совет, која е разрешена
Која е Весна Дамева, новата претседателка на Судскиот совет
Фото: Телма