Во хотелот „Сириус“ се одржа традиционалниот маскенбал, како дел од карневалските свечености и своевидна увертира во утрешната интернационалната карневалска поворка од големиот Струмички карневал.
„Во друштво на гости од балканските земји, како и претставници на FECC од повеќе европски земји, на чело со претседателот на FECC, Ларс Алгел, присуствуваше и градоначалникот Костадин Костадинов, кој и годинава ја има улогата на покровител на Струмичкиот карневал.
Маскенбалот помина во извонредно весела атмосфера, за која се погрижија водителот Игор Џамбазов и македонската поп дива Александра Јанева, а за принц и принцеза беа избрани Лефтер и Цветанка Андонови, кои утревечер ќе бидат дел од царската свита што ќе ја предводи интернационалната карневалска поворка на Струмичкиот карневал,“ се вели во соопштението на Општина Струмуца.
Осумдневните празнувања под маски ќе траат до среда, кога клучот на градот повторно ќе му биде вратен на градоначалникот Костадинов од страна на струмичките карневалисти.
ПОВРЗАНИ ВЕСТИ
(Галерија) Започнаа карневалските свечености во Струмица
Фото: Општина Струмица