(Галерија) Во хотелите Сиде се чувствувате добродејдено, поради гостопримливоста на домаќините

by Редакцијамај 20, 2025мај 20, 2025

Известувач од Сиде за еМагазин.мк, Силвана Жежова

Хотелите во Сиде го немаат луксузот како во Белек, но затоа ја имаат гостопримливоста и топлината на домаќините. Во секој од овие хотели ќе се почувствувате толку добредојдено, што ви оставаат впечаток како само вас да ве чекале.

Плажите се песочни, и токму затоа хотелите во Сиде се и едни од најбараните за време на туристичката сезона.

„Во Сиде хотелите се помали, семејствата со мали деца се одлучуваат токму за ова место поради песочните плажи, но поради тоа што е поевтин од Белек,“ вели за еМагазин.мк Далила Мејалац, претставник на Фибула Анталија за дестинации.

Сите хотели имаат одлични содржини за забава и бројни спортски активности кои се изведуваат на надворешните базени.

Предноста на гостите овде е што стариот град Сиде е блиску до хотелите, и вреди да се посети бидејќи е еден од најголемите антички градови во светот. Секоја година истиот се проширува и навистина има што да се види. Уличките во чаршијата се колоритни и шармантни со испреплетени мириси и бои во кои се нуди се, од најевтино до поскапо. Доста потсетува на чаршијата во Охрид која води кон чинарот.

За разлика од Белек, овде во градот има каде да се прошета и што да се види.

Од Сиде се достапни сите екскурзии кои се во програмата на Фибула како 50 shades (рафтинг, џип сафари и зип лајн) Аквариум, нуркање во Алања.

Well Palace Side Hotel

За понудата на Фибула, прочитајте ОВДЕ.