„Како нација имаме две големи цели. Првата – мораме да го победиме разочарувањето кај секој еден човек кој е напластено од сите претходни порази и неуспеси. Втората е уште поголема цел, а тоа е да го сузбиеме криминалот и корупцијата метастазирана во сите делови од општеството“, порача меѓудругото премиерот Христијан Мицкоски денеска на Свечената академија по повод 8 Септември – Денот на независноста.
Мицкоски подвлече дека денес голем дел од луѓето сосема оправдано се разочарани од многу работи, но како што рече има надеж за промени и ќе се бори до последниот атом да покаже дека се поразлични од се до сега и дека ги менува работите.
Мицкоски е дециден и смета дека корупцијата ја разјадува државата одвнатре и ги руши темелите на доверба на институциите и порача дека како премиер ја зема обврска бескомпромисно да ја води оваа борба против криминалот со непоколебливост и со одлучност.
ПОВРЗАНИ ВЕСТИ
„Заедно се бориме, заедно ќе успееме!“- слоганот под кој ќе се прославува Денот на независноста
Фото: Влада