Денеска почина 19-годишно момче: 16. жртва поради уривањето на настрешницата на Железничката станица во Нови Сад

По четиримесечна битка, на ВМА во Белград денеска почина Вукашин Црнчевиќ (19), како последица од повредите здобиени по уривањето на настрешница на Железничката станица во Нови Сад на 1. ноември минатата година.

„Со голема тага ја информираме јавноста дека по четири месеци храбра борба почина Вукашин Црнчевиќ, повреден во трагедијата предизвикана од уривање на настрешница во Нови Сад.

За жал, Вукашин е шеснаесеттата жртва на оваа трагедија,“ се вели во објавата на „Студентите во блокада“, на социјалните мрежи.

Меѓу загинатите во несреќата е и македонскиот научник Васко Саздовски.

ПОВРЗАНИ ВЕСТИ

Саздовски кој загина во Нови Сад, како врвен научник работел и на Универзитетот „Св. Апостол Павле“ во Охрид

Почина една од повредените во несреќата на Железничката станица во Нови Сад, бројката на загинати се искачи на 15

Фото: МЗ