Лидерот на СДСМ и поранешен премиер, Димитар Ковачевски на денешната седница на Извршниот одбор на партијата се повлече од лидерската позиција и повика целото раководство да го направи истото, информираа од партијата.
-Согласно член 68б став 3, а врз основа на изборните резултати на парламентарните и претседателските избори 2024 година, како и врз основа на очигледната пасивност на дел од членовите и симпатизерите на СДСМ, вклучително и најголемиот дел на избраните и именуваните функционери на централно и локално ниво, како високо морален чин се повлекувам од функцијата претседател на СДСМ.
Истовремено повикувам истото да го направи целокупното раководство на партијата по вертикала од членовите на раководството, преку централните партиски органи, се до општинските органи на раководење на партијата.
Ваквиот чин е редовна постапка во сите европски и светски демократии, каква претендираме да бидеме и ние и треба да биде пракса на сите раководства на партијата по изборен неуспех, рече тој.
Согласно Статутот на партијата тој иницираше свикување Конгрес на СДСМ за анализа на изборните резултати и изјаснување за довербата на органите на СДСМ, избрани од Конгресот, со оглед на изборните резултати, велат од партијата.
ПОВРЗАНИ ВЕСТИ
Потпретседателите на СДСМ Перо Костадинов и Фатмир Битиќи поднесоа оставки
Кои се кандидатите за пратеници на СДСМ и коалицијата
Фото: СДСМ