еМагазин
Image default
ЖИВОТ ТОП СТОРИИ

Кое е значението на празникот Цветници

На една недела пред Велигден се прославува Цветници, или влегувањето на Исус Христос во Ерусалим.

„Откако го воскресна четиридневно погребениот Лазар е мигот на најмногубројното и најрадосното препознавање во него Господ и спасител. Исус влегува во престолнината на осле, според старозаветното пророштво.

Ова е уште еден од многубројните знаци по кои би можеле да Го препознаат, но сепак овој знак не го разбраа ниту неговите ученици. Многуброен народ наслушна дека ќе дојде, па го дочекаа со палмови гранчиња во рацете. Значи, ги слекуваа облеките од себе постилајќи ги пред него и во восхит возвикнуваа вдахновено: Осана!

Благословен е оној што доаѓа во името Господово, Царот Израилев! Дури и некои од дојдените Елини на поклонение за Пасха пристапија и молеа да Го видат. Единствено свештенството и фарисеите се озлобија готвејќи се да Го погубат брзо, а мислеа да го убијат и Лазар кој сведочеше за неговата сила и за неговото Божество.

И повторно Господ се труди да им го открие Својот идентитет на насобраните и да ги подготви за најблиската иднина и за смислата на оваа мисија и нејзините искушенија. Всушност, кога им сеобраќа со словото за Крстот, тие тогаш го губат знаењето за него како за цар и Христос, тогаш им се затвара умот за словото и за писмата.

Цветници се празнуваат во неделата пред Воскресение. Претставуваат сигурно најдраматичниот празник меѓу Дванаесетте големи празници на Црквата. Го означува почетокот на најтешката седмица во историјата на човештвото, којашто аскетското трезвеноумно познание на човековата природа ја нарекува „страстна“,“ се вели на Православни поуки.

Извор: Православни поуки

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Кој е рускиот свештеник, кој е протеран од Македонија

Редакција

Во првите 6 месеци: 67 компании кои котираат на Македонската берза работеле со добивка, 25 со загуба

Редакција

Поевтинува мазутот, цените на другите горива остануваат исти

Редакција