Акцијата на Алкалоид АД Скопје важи за една од најтргуваните на Македонската берза, а истата е во фокусот на инвеститорската јавност поради најавената, повисока, дивиденда.
ПОВРЗАНИ ВЕСТИ
Алкалоид ќе исплати за 10,2% поголема дивиденда споредено со лани, 540 денари бруто по акција
Основната главнина на Алкалоид се состои од 1.431.353 акции со номинална вредност од 25,56 евра од акција или вкупен износ од 36.585.382,68 евра, соопшти компанијата во Годишниот извештај за минатата година, објавен преку Македонската берза.
Заклучно со 31.12.2023 година Алкалоид има 5.487 акционери.
Акциите се слободно преносливи. За акционери се сметаат сите лица запишани во акционерската книга, која, во согласност со законската регулатива, се води во Централниот депозитар за хартии од вредност.
Акционерите под еднакви услови имаат еднаква положба во Друштвото. Секој акционер има право на еден глас во Собранието на Друштвото – по еден за секоја обична акција, како и право на исплата на дивиденда.
Од акциите 99,7 % (1.428.125) се обични акции, од кои 59 се резервирани за поранешни сопственици, додека, пак, 0,23 % (3.228) се приоритетни акции, исто така, резервирани за поранешни сопственици, кои треба да докажат право на сопственост над имот кој сега е во сопственост на Алкалоид.
ПОВРЗАНИ ВЕСТИ
Како се движеше цената на акцијата на Алкалоид лани
Лани истргувани се 28.864 акции на Алкалоид вредни 513,5 милиони денари