еМагазин
Image default
Локално ТОП СТОРИИ

Обвинение и за таткото на Васил Јованов, му го давал автомобилот иако немал возачка и бил сторител на сообраќајни прекршоци

Основното јавно обвинителство Скопје поднесе обвинителен предлог и против 50-годишниот Зоран Јованов, таткото на Васил Јованов, кој ја усмрти Фросина Кулакова.

-Јавен обвинител од Основното јавно обвинителство Скопје поднесе Обвинителен предлог против 50-годишен скопјанец за кривично дело – Предизвикување општа опасност од член 288 став 4 во врска со став 1 од Кривичниот законик.

Во текот на претходната постапка, јавниот обвинител обезбеди докази од кои произлегува дека обвинетиот, во периодот од 04.11.2022 до 30.01.2025 година со општоопасно дејствие предизвикал опасност за животот и телото на луѓето, свесен дека поради неговите сторувања можат да настапат штетни последици, а сепак лекомислено сметал дека тие нема да настапат.

Тој на својот син му давал да управува патничко моторно возило „Пежо 207“, иако знаел дека синот не смее да управува со автомобил бидејќи нема возачка дозвола и е повеќекратен сторител на сообраќајни деликти, и тоа: едно кривично дело – сообраќајна несреќа со полесни последици во ноември 2022 година, 11 сообраќајни прекршоци (возење без возачка дозвола, возење под дејство на алкохол, непочитување на семафор и на пешачки премин) во текот на 2023 и 2024 година, како и кривично дело – сообраќајна несреќа со смртни последици на 29.01.2025 година, велат од таму.

ПОВРЗАНИ ВЕСТИ

Му се заканува до 20 години затвор: Поднесено обвинение против Васил Јованов, кој ја прегази Фросина Кулакова

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Предлог-законот за 500 метри оддалеченост на обложувалниците од училишта стигна во Собрание

Редакција

(Фото) ОН ја прифати Резолуцијата на ЕУ за Украина, не на САД, за која Македонија беше коспонзор

Редакција

Во сообраќајка кај Пирава загина 56-годишен маж

Редакција