Одложени се рочиштата 7 и на 9. октомври за случајот за убиствата и грабнувањата на 14-годишната Вања Ѓорчевска од Скопје и 74-годишниот Панче Жежовски од Велес.
Како што информираа од Основниот кривичен суд Скопје причината за одложувањето е влошената здравствена состојба на обвинетиот Боре Видевски, кој од пред неколку дена е хоспитализиран на Клиниката за нефрологија и не може да присуствува на истите.
ПОВРЗАНИ ВЕСТИ
Обвинет за убиството и грабнувањето на Вања и Панче префрлен на Клиниката за нефрологија
„ЈЗУ Универзитетска клиника за нефрологија – Скопје на 02.10.2024 година го извести Основниот кривичен суд Скопје, дека притвореникот Б.В., кој е еден од обвинетите во конкретниот предмет, од КПУ Затвор ‘Скопје’ е префрлен и хоспитализиран во наведената клиника заради влошена здравствена состојба.
Имајќи го предвид известувањето, а заради економичност и ефикасност на постапката, расправите насрочени за 7 и 9. октомври 2024 година ќе бидат отповикани“, велат од Судот.
Судењето ќе продолжи на 14. октомври, за кога е закажано следното рочиште.
ПОВРЗАНИ ВЕСТИ
Кој сѐ ќе сведочи на судењето за убиството и грабнувањето на Вања и Панче
Како сведоци тогаш треба да се појават и мајката, бабата и дедото на Вања.
ПОВРЗАНИ ВЕСТИ
Никој од обвинетите за убиството и грабнувањето на Вања и Панче не се чуствува виновен
Таткото на Вања е наместен од полицијата, кажа Палевски на денешното судење
И јас загинав на 27. ноември, од мене не остана човек, кажа таткото на Вања на денешното судење