Охриѓанецот Христијан Пендиков, поранешниот секретар на затворениот бугарски клуб во Охрид, кој подоцна стана бугарски државјанин, денеска во Основниот суд во Охрид, го даде својот прв исказ за физичкиот напад врз него на 19. јануари годинава.
На судењето против Илија Спасески од Охрид и Борче Ангелов од Битола, кои се обвинети за неговиот напад, тој меѓудругото рече дека тие му нанеле тешки телесни повреди и дека го навредувале на национална основа оти се чуствувал како Бугарин.
Адвокат на Спасески, Димитрија Цобоски по рочиштето повтори дека во случајот е вмешана политика и дека не се работи за напад поради национално чувство, подвлекувајќи дека семејство на Спасески добило орден од бугарски министер за надворешни работи за укажана помош при спасување на бугарските државјани во бродската несреќа во Охрид од пред неколку години.
– Во целата работа е замешана политиката, бидејќи со претседателски авион на Република Бугарија некој да се земе од една држава и да се носи во друга држава е нон сенс, не забележано, рече меѓудругото Цобоски, кој најави дека ќе приложи и дополнителни докази за да се разјаснат работите.
Адвокатот на Пендиков, Стефан Камишевски пак смета дека се работи за напад поради национални чувства и дека одбраната нема докази за спротивното тврдење.
ПОВРЗАНИ ВЕСТИ
Како Пендиков стана бугарски државјанин: Сценарио за Холивуд
(Видео) На судењето презентирана снимка од нападот на Пендиков
Фото: Унсплеш