Од невладината Проект Среќа информираат дека по инцијатива на девојка која ги контактирала, се бара дете родено на 12.02 или блиску до тој датум, од социјално загрозено семејство или на самохран родител од Скопје, за да добие бесплатна роденденска прослава и подарок.
„За скоро време ми е роденден, на 12.02 полнам 23 години. Сакам овој роденден да го прославам на поинаков начин и среќата да ја споделам со детенце кое можеби никогаш до сега не дувало роденденски свеќи, не јадело пица или не добило поклон за роденден.
Затоа ми треба ваша помош, дали можеби познавате детенце од социјално загрозено семејство, или дете на самохран родител од Скопје? Би сакала да му/и подарам роденденска торта и заедно да си ги прославиме родендените. Или доколку е можно би седнале на пица и сокче.
Верувам дека насмевката на лицето на некое детенце ќе ми биди најдрагиот поклон овај роденден“, стои во пораката од девојката до невладината.
Фото: Унсплеш