Министерството за здравство информираше дека тројца повредени од пожарот во Кочани кои се лекуваа во странство денеска се враќаат во Македонија.
Од нив двајца беа хоспитализирани во Грција, а еден во Шведска.
Согласно протоколите ќе бидат задржани под 24-часовен надзор.
Во Србија остануваат хоспитализирани 23 повредени, во Бугарија 14, во Турција 10, во Грција осум, во Словенија четворица, во Унгарија, Хрватска, Шпанија, Австрија и Литванија се хоспитализирани по тројца, а во Италија и Полска по еден повреден.
Во Скопје, на Клиниката за токсикологија вчера бил хоспитализиран повреден по враќање од Полска, а истиот денеска е пуштен на домашно лекување.
На Клиниката за пластична хирургија остануваат двајца повредени, а во Хируршката клиника Св.Наум Охридски, шест.
Во ГОБ 8 Септември се хоспитализирани петмина, од кои еден е планирано да биде пуштен на домашно лекување, на Клиниката за пулмологија двајца, а во приватната болница Систина се хоспитализирани тројца повредени.
Фото: МЗ