На престојното Собрание на акционери на ТТК Банка АД Скопје на 29.3.2024 година, една од предлог-одлуките е и исплатата на дивиденда за минатата година, информираа од Банката преку Македонската берза.
Вкупната предвидена сума е во бруто-износ од 104.283.288 денари.
-Дивидендата за 2023 година ќе се исплаќа дел во акции преку издавање емисија на акции по пат на приватна понуда наменета за акционерите, и дел во пари (на платежни сметки на акционерите), сразмерно на учеството на нивните акции во дотогашната основна главнина Банката, стои во предлог-одлуката.
Висината на бруто-дивиденда по акција изнесува 108 денари, односно 10,8 % од номиналната вредност на акциите којашто изнесува 1.000 денари и тоа 76 денари бруто-дивиденда во акции по пат на приватна понуда наменета за акционерите и 32 денари бруто-дивиденда во пари (на платежни сметки на акционерите).
Датумот на евиденција според кој ќе се определи листата на акционери кои имаат право на дивиденда за 2023 година е 27.3.2024 година, а последен ден на тргување со право на дивиденда за 2023 година е 25.3.2024 година, односно право на дивиденда ќе имаат акционерите регистрирани во акционерската книга на 27.3.2024 година, велат од таму.
ПОВРЗАНИ ВЕСТИ
Колкави надоместоци добил менаџментот на ТТК Банка лани
ТТК Банка лани со зголемена добивка за 72,9%
Драгољуб Арсовски купи над 3 илјади акции во ТТК Банка