Час поскоро системот „Безбеден град“ треба да биде инсталиран, да функционира и сите законски измени коишто се неопходни да бидат донесени, изјави премиерот Христијан Мицкоски по повод денешниот протест и револт на граѓаните, што уште еден живот згасна на улиците како резултат на несовесено дивеење и неказнување од страна на системот.
„Се надевам дека многу скоро од денеска, сето ова за којшто зборував ќе биде инсталирано, имплементирано и ќе спасуваме човечки животи, да не згаснуваат прерано како што згасна овој.
Еден од начините да се надмине сето ова е токму оној систем, којшто треба да детектира ваков тип на дивеење по булеварите и улиците. Не само во главниот град, туку и насекаде во државата.
И мислам дека, не мислам туку знам дека, Министерството за внатрешни работи, тоа како постапка го спроведува и наскоро, од денеска ќе имаме еден таков систем,“ рече Мицкоски.
Тој потенцираше дека средства за ваков систем се обезбедни, и тој треба да профункционира не само во градовите, туку и на клучните артерии, автопатски и експресни патишта коишто ја поврзуваат државата со соседните држави.
„Од она коешто сум информиран, е дека лицето, коешто го сторило инцидентот е приведено, е одредена мерка од 30 дневен притвор. И се надевам дека, овој како што вие го квалификувавте ваков судско- обвинителски систем, со доверба помала од 2 проценти кај граѓаните, конечно ќе се ослободи од партиските и други влијанија, и ќе суди и обвинува според закон, и навистина нема да прави, и нема да толерира, ваков тип на личности, коишто ако навреме не ги санкционирате гледате, што сѐ може да направат,“ додаде Мицкоски.
ПОВРЗАНИ ВЕСТИ
(Видео+фото) Река од луѓе на протестот за Фросина Кулакова во Скопје
(Видео) Свеќите на Партизанска немо сведочат за згаснатиот живот на Фросина Кулакова
Фото: еМагазин.мк