еМагазин
Image default
Македонија

Притвор за двајца учесници во вооружената престрелка во Куманово

Надлежен јавен обвинител од Основното јавно обвинителство Куманово донесе наредба за спроведување истражна постапка против две лица од деветмината кои се гонат за вооружената престрелка во Куманово, во која животот го загуби едно лице.

-Двајцата осомничени се гонат за сторено кривично дело – убиство. Јавниот обвинител ценеше дека за обезбедување на присуство на двајцата осомничени, како и заради натамошно обезбедување на непречен тек на постапката има потреба од определување на мерка притвор. Затоа до судија на претходна постапка во Основниот суд Куманово достави предлог, што потоа со решение на судот е прифатен и на двајцата осомничени им е определен притвор во времетраење од 30 дена, соопшти Јавното обвинителство.

Останатите седум осомничени јавниот обвинител ги гони за сторено кривично дело – насилство.

Престрелката се случи на 31 октомври 2018 година на улицата „Тоде Мендол“ во Куманово, како што претходно информираа од Обвинителството, беше последица на нарушени меѓучовечки односи меѓу две семејства.

По употреба на огнено и ладно оружје, едно лице го загуби животот, а друго се здоби со убодни рани од нож. Во престрелката учествуваа девет лица, а се преземаат дејствија за утврдување на евентуално учество и на други, засега непознати лица.

Истражната постапка продолжува со прибирање на материјални и вербални докази за целосно расчистување на кривично правниот настан.

ПОВРЗАНИ ВЕСТИ

Приведени девет лица за престрелката во Куманово

Вербална расправија меѓу две семејства во Куманово: Едно лице убиено

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Во сите институции има лица кои доставуваат извештаи до ВМРО-ДПМНЕ, тврди министерот Спасовски

Редакција

Димитров: Чувстувувам тенденција Преспанскиот договор да се внесе во води во кој тој не навлегува

Редакција

(ВИДЕО) Таткото на другото рането момче го демантира пратеникот на ДУИ, Адеми: Тој пукаше на свадбата

Редакција