Фирмата „Еуро ком лајтинг“, која се поврзува со опожареното Ауди кое го користел првиот вицепремиер и министер за политички систем и односи меѓу заедниците Артан Груби, со еден вработен, лани свртела 4,2 милиони евра, објави 360 степени.
ПОВРЗАНИ ВЕСТИ
Чие е опожареното возило кое го користел Артан Груби
Нејзина приоритетна дејност е „неспецијализирана трговија на големо“, а како што објави 360 степени, четири дена пред опожарувањето на аудито што го користел Груби, ја сменила адресата на своето седиште, а Беким Лимани, за кого МВР вели дека е сопственик на автомобилот и дека го пријавил инцидентот, станал единствен нејзин газда.
Фирмата постои од 2009 година кога како управител и сопственик е пријавен Суат Аљија.
Во 2010 година, како сопственик се јавува и Хусанмедин Озтурк, додека Лимани во сопственичката структура, но и како управител влегол на 4. август 2011 година. Истиот датум од управител и сопственик е избришан Суат Аљија, пишува порталот.
ПОВРЗАНИ ВЕСТИ
Крие ли Груби имот: Какво возило пријавил во неговиот анкетен лист
Фото: Груби/Фејсбук