Државниот завод за статистика ги соопшти најновите податоци за просечната месечна исплатена нето-плата по вработен според кои во септември 2019 година таа изнесува 25.435 денари.
Податоците на ДЗС откриваат дека просечната плата во некои сектори e речиси двојно помала отколку државниот просек.
Прв на листата најниски просечни плати е секторот заштитни и истражни дејности со просечна плата од 13.664 денари.
На второ место е секторот производство на кожа и слични производи од кожа со просечна плата од 14.903 денари, а на трето место секторот рибарство и аквакултура со просечна плата од 15.563 денари.
Потоа следуваат секторите услуги поврзани со одржување на згради и дејности на уредување и одржување на животната средина и природата со просечна плата од 15.652 денари и производство на облека со просечна плата од 16.158 денари.
ПОВРЗАНИ ВЕСТИ
Топ пет професии со највисока просечна плата: Програмерите убедливо на врвот