По осум месеци притвор во Грција, Сашо Каимовски – „Панки“ (52) се враќа на пеењето и на „Куку Леле“.
Потврда за тоа е рекламата за настап на 31 декември во „Дежа ву“.
Панки, по осум месеци минати во притвор во Грција е пуштен на слобода. Тој беше уапсен во март годинава на граничниот премин „Евзони“ при влез во Грција, врз основа на распишана потерница од Интерпол, а на барање на Германија.
Германски истражни органи го посочија Каимовски како член на меѓународна криминална група која крадела податоци од кредитни картички со поставување на т.н. „скимери” на банкомати.
Иако деновиве се појавија информации дека Панки бил виден во некое од скопските кафулиња, неговите пријатели ја демантираат информацијата, посочувајќи дека го чекаат да се врати од Германија.
Фото: Dejavu/Принтскрин јутјуб