Министерството за здравство информира дека по сознанието дека во Истражниот затвор во Шутка почина еден притвореник кај кого постмортем е докажано присуство на коронавирусот, во текот на вчерашниот ден во истражниот затвор се направени прегледи и земени брисеви од 30 притвореници.
„Денеска, во истражниот затвор во Шутка се испратени појачани медицински екипи на здравстениот дом кои ќе направат прегледи и ќе земат брисеви од сите кои престојувале во истото одделение со починатиот, а прегледани и тестирани на Ковид -19 ќе бидат и вработените во одделението,“ информираат од Министерство за здравство.
За овој случај извести вчера министерот за здравство Венко Филипче на редовна прес-конференција, по информациите од Истражниот затвор во Шутка за починат притвореник како последица на срцев удар, кој престојувал во оваа институција од 8 март, а за време на престојот немал симптоми на коронавирусот.
ПОВРЗАНИ ВЕСТИ
Притвореник во Шутка починал од срцев удар, но постсмртно се покажал позитивен на корона вирусот
Фото: Влада