Месечните минимални трошоци на едно семејство во април изнесувале 33.243 денари, покажуваат податоците од синдикалната потрошувачка кошница што ги објавува Сојузот на синдикати на Македонија (ССМ).
Најмногу пари или 14.093 денари биле потребни за да се подмират основните потреби за храна и пијалоци, а 10.436 денари за плаќање на месечните сметки за комунални услуги и за одржувањето на домот.
Минималните трошоци за превоз во април изнесувале 2.447 денари, за хигиена 2.343 денари, а за облека и обувки минимум биле потребни 2.144 денари.
Најмалку пари од вкупната потрошувачка кошница отпаѓаат на трошоците за грижа за здравјето и за културните активности.
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.