Во најмалата гостиварска општина регистриран е првиот случај на инфициран од Ковид-19. Станува збор за маж, жител на едно од долнореканските села, чии резултати биле стигнати попладнево.
Информацијата ја потврди и градоначалникот на општина Маврово и Ростуше, Медат Куротвски, кој соопшти дека во тек е состанокот на локалниот кризен штаб на кој се разгледува новонастаната ситуација.
Лицето кај кое е откриено присуство на коронавирусот, изминативе денови имал полесни симптоми на болеста и бил лекуван во амбулантата во Ростуше. По позитивниот тест, тој е префрлен на инфективното одделение во гостиварската општа болница.
Здравствените власти наредниве денови ќе работат на епидемиолошки анализи за да откријат како се појавил првиот случај на Ковид-19 во овој регион и дали близината со Дебар и традициите на населението имаат влијание.
МИА
ПОВРЗАНИ ВЕСТИ
„Корона“ кризата “удири“ на преработувачката индустрија
Почина уште еден пациент заболен од корона вирусот, вкупната бројка изнесува 90
Убава вест: Оздравени уште 20 пациенти од корона вирусот, вкупната бројка е 1.099