еМагазин
Image default
БЕСПАРИЦА ТОП СТОРИИ

„Корона“ кризата “удри“ на преработувачката индустрија

Понеповолни се очекувањата во преработувачката индустрија според раководителите на овие деловни субјекти. Во март годинава во однос на февруари нивните очекувања се понеповолни во однос на состојбата на обезбедноста на производството, обемот на производството во наредните три месеци, а залихите на готовите производи се намалени.

Оценките на раководителите на деловните субјекти, според објавените податоци на Државниот завод за статистика, е дека индикаторот на доверба во преработувачката индустрија во март 2020 година е намален за 7,7 процентни поени во однос на февруари 2020 година и изнесува 15, а во однос на март 2019 година е намален за 5,7 процентни поени.

Понеповолни оценки имаат и за економската состојба на деловните субјекти, а очекуваат и бројот на вработените да се намали.

Просечното искористување на капацитетите на деловните субјекти во март 2020 година изнесува 67,3 отсто од нормалното искористување.

Најголемо влијание врз ограничувањето на обемот на производството имале недостигот на квалификувана работна сила со 19,5 отсто, недоволната странска побарувачка со 18,5 отсто, неизвесното економско опкружување со 14,8 отсто и недоволната домашна побарувачка со 11,3 отсто.

ПОВРЗАНИ ВЕСТИ

Топ пет акции со најголем пораст: Вредноста на „Макпетрол“ вивна сред корона кризата

Корона кризата удира: Намален бројот на работниците во индустријата

Корона кризата удира: Голем пад на индустриското производство

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Уставен суд не поведе постапка за продолжувањето на вонредната состојба

Редакција

Закани за пратениците од ВМРО-ДПМНЕ: „Даниела ако гласаш за уставни измени како Исус ќе те распнеме“

Никола Осило

Убава вест: Од коронавирусот во Македонија излекувани уште 12 пациенти

Редакција