Заклучно со вчера во Дебар, првото жариште на корона вирусот во Македонија и единствената општина која беше во карантин, 45. денови нема не само новозаразени, туку ни пациенти кои се јавуваат со сомнителни симптоми на вирусот.
Карантинот заврши пред неколку недели, а во оваа општина вкупно беа регистрирани 51 случај. Денеска сите овие лица се излечени и во Дебар со недели нема повеќе активни случаи.
За жал во Општината починаа четворица.
Овие бројки и трендови покажуваат дека дисциплината, со која одредени граѓани низ земјава деновиве имаат сериозен проблем, што резултира со раст на бројот на новозаразени со вирусот, има голем ефект.
Со тоа се согласува и министерот за здравство, Венко Филипче, кој на Фејсбук го споедели токму примерот со Дебар.
“Од почетокот на кризата со коронавирусот, на секој јавен настап повторувам една работа – вирусот ќе го победиме со многу дисциплина и безусловно почитување на мерките.
Оние кои не веруваат во ова треба да ја погледнат состојбата во Општина Дебар.
Дебар беше прва општина која влезе во карантин, а денес е општина во која со недели нема ниту еден нов случај. Ова е заслуга на граѓаните и нивното дисциплинирано однесување, напиша на Фејсбук, Филипче.
ПОВРЗАНИ ВЕСТИ
Повеќе починати мажи: Смртност и корона вирусот во Македонија
Само еден од новопочинатите од корона вирусот имал контакт со потврден случај
Фото: Општина Дебар