Непочитување на мерките за заштита е причина за ширење на коронавирусот во новата осма по ред штипска конфекција, каде што во изминатите два дена се регистрирани три позитивни, a десетина работници се ставени во изолација покажа денешниот увид од епидемиологот од Центарот за јавно здравје – Штип.
Директорката на Центарот за јавно здравје-Штип, Марија Димитрова вели дека според увидот причина за ширење на вирусот е неносење на заштитни маски од страна на работниците, како и нивно групирање за време на паузите, а притоа неносејќи заштитна опрема и не држеле дистанца од два метра.
Штип денеска го нема во здравствениот билтен, па останува со 202 активни случаи на Ковид-19.
Епидемиолозите дневно на повеќе пунктови земаат по 50 брисеви, а се уште очекуваат резултати за стотина брисеви, помеѓу кои се и и контролните за 53 текстилни работници од првата конфекција што беше затворена на крајот од мај.
ПОВРЗАНИ ВЕСТИ
Убава вест: Од 95 тестови нема позитивни на Ковид-19 во градинки во Штип и Охрид
Се испитуваат петмина излекувани штипјани како можни дарители на крвна плазма
Нов позитивен случај на корона вирусот во штипска конфекција, која може да биде нов кластер
МИА/Фото: МИА