Со одлука на Владата од денеска можат да почнат да работат теретаните и вежбалните.
Во Служен весник излезе протоколот за новиот начин на работа во кој се предвидени мерки за заштита од зараза од корона вирусот.
Новите правила Ви ги пренесуваме во целост:
На видно место да се означат правила за однесување за вработените и корисниците на услугите.
Да се постави дезбариера на влез во клубот и безконтакно мерење на температура на вработени и корисници. На лица со покачена темепратура им се забранува влез во клубот.
На почеток и на крај на работниот ден, задолжително проветрување на сите простории и дезинфекција на простории, сите работни површини, опрема, справи и други реквизити за вежбање и задолжителна дезинфекција на подот.
Во текот на работниот ден, колку што е можно почесто проветрување на просториите.
При секој влез на вработени и корисници, да се врши задолжителна дезинфекција на раце со средство кои содржи 70% алкохол.
Сите вработени задолжително носат заштитна маска и ракавици во текот на целото работно време.
Корисниците на услуги, задолжително користат сопствени пешкири и други средства за лична хигиена.
Корисниците на услуги, задолжително однапред закажуваат термин на посета на клубот.
Користењето на заедничките помошни простории, како туш кабини и соблекувални се дозволува доколку е обезбедено чистење и дезинфекција на просториите по секоја употреба.
Распоредот на опремата, справите и другите реквизити за вежбање, односно организацијата на вежбањето мора да биде на начин што ќе се одржува физичко растојание од 2м помеѓу секој корисник, односно 10м2 по корисник.
Опремата, справите и реквизитите задолжително да се дезинфицираат после секој корисник.
Во случај да постои сомнеж некој од вработените да има респираторни симптоми (температура, кашлица и сл.) одговорното лице е должно веднаш да го отстрани лицето од просториите на клубот.
Во случај да постои сомнеж некој од корисниците да има респираторни симптоми (температура, кашлица) одговорното лице е должно веднаш да го отстарни лицето од просториите на клубот.
ПОВРЗАНИ ВЕСТИ
Од петок се отвараат теретаните, а кафулињата ќе можат да работат и внатре
Фото:Consumer reports