Во годините 2009, 2014 и 2019, најмногу биле градени трисобни станови и нивното учество во вкупно изградените станови се движи од 32.2 % во 2009 година, 32.9 % во 2014 година и 34.6 % во 2019 година, покажуваат најновите податоци на Државниот завод за статистика.
Потоа следат двособните станови со учество од 27.3 % во 2009 година, 27.8 % во 2014 година и 33.2 % во 2019 година.
Во годините 2017, 2018 и 2019, најмногу одобренија за градење биле издадени за објекти од високоградба, и тоа 62.9 % во 2017 година, 56.8 % во 2018 година и 54.1 % во 2019 година, а потоа следат објектите за реконструкција со 26.1 % во 2017, 27.5 % во 2018 и 31.4 % во 2019 година.
Исто така, и вредноста на издадените одобренија за градење е највисока за објектите од високоградбата и нејзиното учество се движи од 66.0 % во 2017 година, 57.6 % во 2018 година, до 66.9 % во 2019 година, додека во нискоградбата учеството изнесува 27.3 % во 2017, 36.4 % во 2018 и 25.2 % во 2019 година.