Првообвинетиот Воислав Будисављевиќ и актерката Силвија Стојановска, која е второбвинета во случајот “Колибри“ се изјаснија за невини по обвинението за помагање и учество во шверц на околу 700 килограми кокаин од Јужна Америка во Шпанија.
Според обвинителниот акт, Будисављевиќ му помагал на својот брат Владимир и му вадел карти и наоѓал транспорт за прекуокенаскиот пат на кокаинот кон Шпанија. Неговиот брат Владимир Будисављевиќ и двајца шпански државјани се обвинети за шверцот во Шпанија каде се упасени со пратката во близина на Мадрид.
За актерката Стојановска се тврди дека се јавувала во логистичка улога односно дека купувала авионски карти и изнајмувала апартман во Мадрид.
Според адвокатот на Стојановска, Димитар Савовски обвинението е „прикаска“ и тврдеше дека нема никакви докази со време, место и начин, за потврда дека обвинетите учествувале во шверц на дрога. Адвокатот на Будисављевиќ, Александар Варела ја нарече теоријата на случајот на обвинителство, теорија на лавиринт во која дејствија се претставуваат како факти.
ПОВРЗАНИ ВЕСТИ
Актерката Силвија Стојановска обвинета за меѓународен шверц на кокаин
Јана Стојановска: Мајка ми е невина, ќе бараме да се брани од слобода
Фото: Фејсбук/Стојановска