Доктор Пановски го „запали“ Фејсбук за одлуките на Владата каде треба да се носат маски: „Кој не полуди, тој не е нормален“

Микробиологот и професор на Медицински факултет, Никола Пановски на неговиот фејсбук-профил напиша свое објаснување за најновите одлуки на Владата за носењето на маски. Неговиот пост предизвика огромен број на реакции, споделувања и допаѓања.

Го пренесуваме во целост:

„Главен ризик за инфекција со Ковид 19:

1. Растојание помало од 2 метри.

2. Долг контакт, 20 минути и повеќе.

3. Зборување, кашлање, кивање, пеење за време на контактот.

Заштита: избегнувајте таков вид контакти, ако морате носете маска. Ова се сознанија научно и стручно докажани за сите респираторни инфекции уште пред 100 години, а важат и за Ковид-19.

Ресторан, кафе бар, исполнети сите услови за пренос, особено во затворен простор. Мерка на Владата на РСМ: не треба маска!

Пешачење на Кеј, седење на клупа сам во парк, велосипед: Можен контакт поблиску од 2 метри во траење од 1 до 5 секунди. На пољана, планина, нива, можен контакт на дистанца од 10 метри. Мерка на Владата на РСМ: Задолжително носење маска.

„Кој не полуди тој не е нормален”. ЈАС ПОЛУДЕВ, ДАЛИ ТОА ЗНАЧИ ДЕКА СУМ НОРМАЛЕН?“

ПОВРЗАНИ ВЕСТИ

Микробиологот Пановски со објаснување за тоа што е заболен, а што заразен со Ковид-19: Зошто со само еден брис од носот и се пишува заболен

Биоинженерот Кунгуловски со предлози како да се добие најреалната слика за заболени со Ковид-19, а да се враќаме во нормала

Фото: Телма