Продолжува црниот биланс на починати во Општата болница во Велес.
Вчера попладне починале двајца мажи, еден на 89 години од Велес и еден од Свети Николе на 68 години. Утрово во болницата почина маж од Велес на 51-годишна возраст, кој е 45-та жртва на Ковид-19 во Велес и Велешко од почетокот на епидемијата во земјав
Како што информираше портпаролот Весна Неделковска-Николова, во велешката Општа болница хоспитализирани се 79 пациенти, од кои 67 потврдени, седум сомнителни и пет негативни на вирусот.
На кислородна поддршка се 34 пациенти, што е најмногу досега. Инфективното и Интерното одделение – Б крак се целосно пополнети, а на Одделението за физикална медицина каде има 25 легла, хоспитализирани се 10 пациенти.
МИА/Фото: Општина Велес
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.