Ербен Бојку и Бесник Бојку, синови на Дилавер Бојку, се уапсени синоќа во полициска акција „Бегалец“, објави МКД.мк.
Полициски специјалци во соработка со полциски службеници од Одделот за потраги пред 22 часот ги пресретнале браќата на регионалниот пат Струга – Дебар на влезот на село Велешта.
ПОВРЗАНИ ВЕСТИ
Детали од МВР за апсењето на синовите на Дилавер Бојку – Леку
Според порталот и двајцата носеле пиштоли, а биле фатени откако биле опколени со возила од полициските службеници.
Ербен Бојку се бараше по неколку централни и една меѓународна потерница за убиство, нелегална трговија со оружје и други кривични дела, а Бесник Бојку според порталот е приведен поради поседување на оружје.
Дилавер Бојку – Леку, беше познат осуденик за нелегална проституција во селото Велешта, Струшко, кој во август, 2017 година беше убиен со куршум во глава на плажа во Струга пред неговата кафеана.