Министерот за внатрешни работи, Оливер Спасовски на денешната прес-конференција информира дека е сузбиена криминална група од лица вработени во Министерството како референти и контролори за управни работи коишто ја злоупотребувале службената положба со издавање патни исправи на странски државјани употребувајќи туѓ идентитет.
Се користеле идентитите на наши сограѓани кои не поседувале биометриски лични документи. На овој начин биле издадени документи на 215 лица од кои 214 странски државјани.
Спасовски информира дека истрагата покажа дека патни исправи биле издавани на членови на меѓународни криминални групи и нарко картели.
Во акцијата на МВР која почната уште во 2019 година и се водела во соработка со амбасадата на САД во земјава и Интерпол се приведени 9 лица, а по едно се трага.
Едно од лицата во истрага немало служебни овластувања, туку работело како посредник со вработените во МВР.
ПОВРЗАНИ ВЕСТИ
Фото/Видео: Youtube/Влада