Граѓаните повеќе нема да испитуваат антитела на државен трошок, откако Фондот за здравствено осигурување испратил допис до надлежните здравствени установи, во кој се вели дека, оваа услуга пациентите треба да ја плаќаат на нивен трошок.
„Земајќи ја предвид состојбата со пандемијата со Ковид-19 и ограничените финансиски средства со кои Фондот располага, Ве известуваме дека анализите за детекција на антитела од класата IgG и IgM не треба да се вршат на товар на средствата на Фондот.
Доколку пациентите инсистираат на овие анализи, тогаш трошокот за нивно извршување е на товар на пациентите,“ се вели меѓудругото во дописот до пациентите.
Институтот за имунобиологија и хумана генетика во Скопје, каде што до сега се вршеа овие испитувања на државен трошок, информира дека за оваа услуга граѓаните ќе плаќаат 736 денари.
Приватните лаборатории пак, за оваа услуга наплаќаат од 1.000 денари па нагоре.
„еМагазин“ испрати прашање до Фондот, зошто оваа услуга ќе падне на товар на граѓаните, но до објавувањето на сторијата не добивме одговор.
ПОВРЗАНИ ВЕСТИ
Фото: Photo by Prasesh Shiwakoti (Lomash) on Unsplash